Seguridade da conexión
Se o indicador de seguridade ( ) se amosa durante unha conexión, significa que a
transmisión de datos entre o dispositivo e a pasarela da Internet ou o servidor está
cifrada.
A icona de seguridade non indica se a transmisión de datos entre a pasarela e o
servidor de contido (onde se almacenan os datos) é segura. O fornecedor de servizos
protexe a transmisión de datos entre a pasarela e o servidor de contido.
É posible que sexa necesario dispoñer de certificados de seguridade nalgúns
servizos, como os servizos de banca. Se a identidade do servidor non é auténtica ou
se non dispón do certificado de seguridade correcto no teléfono, recibirá unha
notificación. Para obter máis información, póñase en contacto co seu fornecedor de
servizos.
Importante: Aínda que o uso de certificados reduce considerablemente os
riscos relacionados coas conexións remotas e as instalacións de software, cómpre
utilizalos correctamente para beneficiarse do aumento da seguridade. A existencia
dun certificado non ofrece protección por si mesmo. O administrador do certificado
debe dispoñer de certificados correctos, auténticos ou fiables para poder aumentar
a seguridade. Os certificados teñen data de caducidade. Se se amosa "Certificado
Navegador web
© 2010 Nokia. Todos os dereitos reservados.
109
caducado" ou "O certificado non é válido", incluso no caso de que o certificado
debera ser válido, comprobe que a hora e a data do dispositivo son correctas.
Antes de modificar os axustes dos certificados, cómpre asegurarse de que o
propietario do certificado é realmente fiable e que pertence realmente ao
propietario facilitado.
15. Posicionamento (GPS)
Pode utilizar aplicacións como Datos GPS para calcular a súa localización ou medir
distancias. Estas aplicacións requiren unha conexión GPS.
Acerca do GPS
As coordenadas do GPS exprésanse utilizando o sistema de coordenadas
internacional WGS-84. A dispoñibilidade das coordenadas pode variar segundo a
rexión.
O sistema de posicionamento global (GPS) está operado polo goberno dos Estados
Unidos, que é o único responsable da precisión e mantemento do sistema. A
precisión dos datos de localización pode verse afectada polos axustes nos satélites
GPS efectuados polo goberno dos Estados Unidos e está suxeita a modificacións
procedentes da política de GPS civil do Ministerio de defensa dos Estados Unidos e
do Plan de radionavegación federal (Federal Radionavigation Plan). A precisión
tamén pode verse afectada pola xeometría de baixo nivel do satélite. A
dispoñibilidade e calidade dos sinais GPS poden verse afectadas pola súa
localización, os edificios e os obstáculos naturais ademais de polas condicións
meteorolóxicas. É posible que os sinais GPS non estean dispoñibles no interior dos
edificios ou en pasos subterráneos e que a súa transmisión non sexa posible a través
de materiais como formigón e metal.
O sistema GPS non se debe utilizar para a medición dunha localización precisa e
vostede non debe depender só dos datos de localización procedentes do receptor
GPS nin das redes de radio móbil para determinar posicións nin para a navegación.